Яшчэ 11 тысяч загалоўкаў звераныя са сканамі
| Усяго | Новых за тыдзень | |
|---|---|---|
| Спраў у каталогу | 316 151 | +2 371 |
| у вольным доступе | 267 429 | +2 170 |
| у раннім доступе | 48 722 | +201 |
Новыя справы ў вольным доступе: 2 048 спраў НГАБ, 60 — Літоўскага дзяржаўнага гістарычнага архіва, 50 — Дзяржаўнага архіва Смаленскай вобласці і 12 — украінскіх архіваў. 201 справа ў раннім доступе — з НГАБ.
Мы працягваем перачытваць сканы вопісаў НГАБ і звяраць іх з загалоўкамі на сайце. За тыдзень загалоўкі 10 944 справаў, што ўжо былі на сайце, звераныя з вопісам архіва і ўдакладненыя.
Што новага на сайце
Пошук па шыфры. Увядзіце «ф. 1781 оп. 26 д. 1181» або проста «1781-26-1181», і справа будзе першай у падказках і ў выніках пошуку. Калі такой справы ў каталогу няма, сайт пакажа яе вопіс або фонд.
Імёны ва ўсіх формах. Пошук па «Иосиф» знойдзе і «Осипа», і «Язэпа», і «Józefa»: больш за 100 груп імёнаў у рускай, беларускай, украінскай, польскай, лацінскай і літоўскай формах. Знойдзеная форма падсвечваецца ў загалоўку.
Мікрафільмы FamilySearch. У 774 справах цяпер пазначана плёнка FamilySearch са спасылкай на першы кадр справы. Звесткі ўзятыя з адкрытых крыніц.
Навіны на пошту і праз RSS. Зарэгістраваныя карыстальнікі могуць падпісацца на навіны пры ўваходзе або ў асабістым кабінеце, ліст прыходзіць на мове сайта. Для праграм-чытальнікаў ёсць стужка RSS.