Умовы карыстання
Абноўлена: 4 кастрычніка 2026
Сэрвіс
Даведнік па архіўных дакументах пра Беларусь. Дадзеныя каталога ўзятыя з адкрытых крыніц і даведачнага апарату архіваў, частку вопісаў мы распазнаём самі; кожны запіс паказвае крыніцу. Мы не хостым сканы і не з'яўляемся афіцыйным рэсурсам ніводнага архіва.
Дакладнасць
Дадзеныя падаюцца «як ёсць», могуць утрымліваць памылкі і састарэць. Загалоўкі, распазнаныя праграмай са сканаў, пазначаныя асобна і могуць мець памылкі ў імёнах і назвах. Перад заказам копій правярайце шыфр у архіве.
Ваш змест
Нататкі, калекцыі і захаваныя пошукі прыватныя, калі функцыя яўна не дазваляе іх апублікаваць. Адзнакі пра выдачу справаў і копій бачныя іншым карыстальнікам. Не дадавайце персанальных дадзеных жывых людзей, чужых кантактаў і копій, публікацыю якіх абмяжоўвае архіў. Вы адказваеце за тое, што дадаяце.
Выпраўленні
Выпраўленні распазнаных загалоўкаў мы правяраем і можам змяніць або адхіліць. Прынятыя выпраўленні публікуюцца на сайце як частка каталога, без вашага імя; дасылаючы іх, вы дазваляеце нам іх публікаваць.
Планы
Бясплатны план: пошук і ўсе звесткі з адкрытых крыніц, адна калекцыя да 50 справаў, адзін захаваны пошук. План «Даследчык»: ранні доступ (справы, якія мы распазнаём самі, першыя 30 дзён бачныя толькі на ім), калекцыі і захаваныя пошукі без абмежаванняў.
Унёскі і выпраўленні замест аплаты
Дні плана «Даследчык» можна атрымаць за выпраўленні (1 дзень за кожны прыняты выпраўлены загаловак), за праверку справаў з замежных архіваў (1 дзень за кожны прыняты адказ, ці тычыцца справа Беларусі) і за ўнёсак: змест справы (3 дні за справу), выпіскі, табліцы і спісы (індывідуальна). Колькасць дзён вызначаем мы; унёсак не абавязвае нас даць доступ. Дасланыя файлы не публікуем без вашага дазволу.
Аплата
План «Даследчык» каштуе 5 € у месяц або 20 € у год; ПДВ дадаецца паводле краіны пакупніка. Аплату прымае Stripe праз Managed Payments, прадавец — Link (Stripe). Падпіска падаўжаецца аўтаматычна на той жа перыяд, пакуль вы яе не адменіце; адмена — у кабінеце або на link.com, доступ застаецца да канца аплачанага перыяду. Вяртанне грошай — паводле палітыкі вяртання: уся сума на працягу 14 дзён пасля першай аплаты, падпіска пры гэтым спыняецца.
Лісты
Па захаваных пошуках і калекцыях мы дасылаем не больш за адзін ліст на суткі. Адключыць лісты можна ў кабінеце або па спасылцы ў лісце.
Змены і кантакт
Умовы могуць мяняцца; пра істотныя змены паведамім на сайце. Пытанні: fondvopissprava@gmail.com.