Старт праекта
«Фонд · Вопіс · Справа» выйшаў з бэты. Пошук па ўсіх архівах, карткі фондаў, вопісаў і справаў і ўсё, што ўзята з адкрытых крыніц, застаюцца бясплатнымі назаўсёды.
За апошні тыдзень у каталогу з'явілася 47,5 тысячы новых справаў Нацыянальнага гістарычнага архіва Беларусі: 44,3 тысячы з вопісаў НГАБ у Гродне і 3,2 тысячы з вопісаў НГАБ у Мінску. Мы разабралі іх з вопісаў архіва самі, таму першыя 30 дзён яны бачныя на плане «Даследчык», а для ўсіх адкрыюцца 29–30 кастрычніка. Усяго ў каталогу 313 тысяч справаў з 20 архіваў.
Хочаце падтрымаць праект?
Новы план «Даследчык» каштуе 5 € у месяц або 20 € у год. Ён дае ранні доступ — справы, якія мы самі разбіраем з вопісаў архіваў, бачныя на ім за 30 дзён да таго, як адкрыюцца для ўсіх, — і колькі заўгодна захаваных пошукаў і калекцый з лістом раз на суткі пра новыя і алічбаваныя справы. Падпіска таксама падтрымлівае праект — хостынг, а таксама вылічальныя магутнасці для распазнавання патрабуюць фінансавых укладанняў. Падрабязней пра план
Усім, хто зарэгістраваўся да 4 кастрычніка, мы далі месяц плана «Даследчык» у падарунак. Ён пачынаецца з першага ўваходу на сайт, так што, калі вы яшчэ не заходзілі, дні не прапалі.
План можна атрымаць і без грошай: 1 дзень за кожны выпраўлены загаловак аўтаматычна распазнанай справы, 1 дзень за адказ, ці тычыцца Беларусі справа з замежнага архіва, 3 дні за звесткі пра змест справы, з якой вы працавалі. Як атрымаць план без аплаты