Захаваныя пошукі: атрымайце ліст на пошту, калі з'явіцца патрэбная справа
Захаваныя пошукі. Каталог расце на тысячы справаў кожны тыдзень, і сачыць за ім уручную цяжка. Таму пошук можна захаваць і атрымаць ліст на пошту, калі па ім з'явіцца нешта новае.
Як гэта працуе: увайдзіце на сайт і зрабіце пошук, напрыклад па назве сваёй вёскі або прозвішчы. Пры патрэбе звузьце яго фільтрамі (архіў, паселішча, від дакумента, гады) і націсніце «Захаваць пошук» побач з колькасцю вынікаў. Раз на суткі мы правяраем захаваныя пошукі і дасылаем ліст, калі знайшліся новыя справы, калі справу з вынікаў алічбавалі або калі стала вядома, што архіў яе не выдае. Спасылка ў лісце адкрывае толькі новае.
У тым жа лісце — змены па справах з вашых калекцый: лічбавая копія, закрыццё сховішча фонду, паведамленні іншых даследчыкаў пра выдачу. Захаваныя пошукі і лісты можна выключыць у асабістым кабінеце або адной спасылкай у самым лісце. На бясплатным плане можна захаваць адзін пошук, на плане «Даследчык» — колькі заўгодна.
| Усяго | За тыдзень | |
|---|---|---|
| Спраў у каталогу | 324 417 | +1 507 |
| у вольным доступе | 277 477 | +5 079 |
| у раннім доступе | 46 940 | −3 572 |
Новыя справы тыдня — пераважна вопісы НГАБ у Мінску і Гродне, якія мы прачыталі са сканаў самі: 269 вопісаў, у якіх звераныя ўсе справы, адкрыліся ў ранні доступ. За тыдзень звераныя яшчэ 2 324 загалоўкі, а ўсяго іх цяпер 67 192.
Сёння мы адкрылі для ўсіх 4 992 справы НГАБ у Гродне, якія былі ў раннім доступе. Астатнія справы ранняга доступу адкрыюцца на працягу наступнага месяца.