Фонд · Вопіс · Справа

← Усе навіны

Тры захаваныя пошукі і нататкі для ўсіх

Новыя вопісы. За тыдзень мы прачыталі і дадалі 112 вопісаў НГАБ у Мінску і Гродне — 5 713 справаў.

Тры захаваныя пошукі. На бясплатным плане цяпер можна захаваць тры пошукі, а не адзін, і па кожным раз на суткі прыходзіць ліст пра новыя справы. Напрыклад, можна сачыць адразу за адным прозвішчам і дзвюма вёскамі.

Сачыць за вёскай. Ліст пра вёску цяпер прыносіць і новыя справы, у загалоўку якіх ёсць яе назва, нават калі мы не звязалі іх з ёй, — асобным спісам, бо гэта можа быць і аднайменная вёска.

Старонкі паселішчаў. Паказваюцца і былыя сельсаветы, якіх няма ў Вікідата: мы бярэм іх з назваў фондаў раёна (напрыклад, Шыпілавічы). Пры фондах сельсаветаў пазначана, ці ёсць у іх пагаспадарчыя кнігі. Спасылкі на індэксы метрык Geneteka цяпер ёсць для 338 прыходаў (было 284), напрыклад Друя.

Нататкі для ўсіх. У блоку «Мае нататкі» на старонцы справы можна пазначыць «Апублікаваць (ананімна)»: пасля праверкі тэкст убачаць усе, без вашага імя. Так можна падказаць іншым, што ў справе, ці дзе знайсці яе копію. Колішнія адзнакі «у мяне ёсць сканы / выпіскі» сталі звычайнымі нататкамі і па-ранейшаму бачныя толькі вам.

Пераклад. Перакладзена на чатыры мовы ўжо больш за траціну загалоўкаў справаў (тыдзень таму — каля 9%) і палова назваў фондаў. Назва фонда цяпер паказваецца на мове старонкі, і пошук знаходзіць фонд па перакладзе.

УсягоЗа тыдзень
Спраў у каталогу335 304+5 713
у вольным доступе288 165+5 040
у раннім доступе47 139+673

Навіна раз на тыдзень на пошту

Што новага ў каталогу: новыя вопісы і справы, новыя магчымасці пошуку. Адпісацца можна ў кабінеце або па спасылцы ў лісце. Або чытайце ў тэлеграм-канале.

Увайсці і падпісацца